Ardenica

Shumë pranë qytetit të Fierit ndodhet Manastiri i Ardenicës. Shpesh referuar si “Kështjella e Myzeqesë” ajo është një objekt kulti i fesë ortodokse, dhe është manastiri i vetëm i banueshëm në Shqipëri. Besohet se fillimet e tij datojnë rreth shekullit të X-të, që afërsisht është periudha kur kisha e Shën Triadhës, godina e parë e Manastirit, u ndërtua. Shumë pranë manastirit kalon degëzimi jugor i rrugës antike Egnatia, që lidhte Romën në Perëndim me Konstandinopojën në Lindje.

Besohet se Gjergj Kastriot Skëndërbeu, Heroi Kombëtar Shqipëtar, është martuar në kishën e Shën Triadhës, në Maj 1451.

Kisha kryesore e Manastirit, Lindja e Shën Mërisë, u ndërtua në 1743, me fonde të kontribuara nga tregëtarët e Voskopojës. Ajo është kisha e vetme funksionale e Manastirit dhe njëkohësisht një ndër kishat më të bukura dhe më mahnitese në të gjithë Shqipërinë. Kisha është plotësisht e dekoruar me afreske të punuara prej dy vëllezërve, Kostandin dhe Thanas Zografi nga Korça si dhe një piktori lokal, Kostandin Shpataraku, nga rajoni i Shpatit, Elbasan. Ikonostasi i kësaj kishe është një prej ikonostaëve të ruajur më mirë në Shqipëri. Ai është i gdhendur në dru, i polikromuar me ar, dhe mban dy radhë ikonash të mëdha dhe të vogla. Zbukurimi i ikonostasit me ikona është realizuar në vitin 1744. Edhe altari është gdhendur gjatë të njëjtës peruidhë. Shënimet mbi afresket dhe të gjitha shënimet e tjera në kishë janë në Greqishten e lashtë. Në kishë gjithashtu ruhet edhe froni i lashtë i Kryepeshkopit, si dhe mbajtësi i shenjtë, ku ikona e zgjedhur për çdo ditë vendosej. Kisha ka edhe shumë vepra të tjera arti prej argjendi dhe metali.

Në 1932, një zjarr shkatërroi bibliotekën e manastirit duke përfshirë që të gjitha dorëshkrimet, libra dhe objekte të tjera të vlefshme. Shumë pak ka ngelur nga thesari i bibliotekës: një libër i vjetër lutjesh në Greqisht i shekullit të XVIII-të dhe një kopje e Biblës në dy gjuhë si dhe një koleksion i vogël fotografish të vjetra.

Informacion mbi Manastirin

Manastiri është i hapur çdo ditë 07:00-19:30, dhe nuk biletë hyrëse, por dhurimet për kishën vlerësohen. Ka broshura në Anglisht, Italisht dhe Greqisht. Ture të Manastirit ofrohen, por vetëm në Shqip. Pranë Manastirit nuk shiten suvenire. Ka tualet.

Në anën tjetër të kodrës ndodhen disa restaurante të këndshëm (rreth 5-10 minuta në këmbë nga hyrja e manastirit.)

Restaurant “Ardenica”

Është i hapur çdo ditë 08:00-23:00. Shërben drekë dhe darkë, dhe ka një ambjent mjaft të këndshëm përjashta, prej ku mund të shikohen fushat e Myzeqesë në very, lindje dhe perëndim. Shërben ushqime tradicionale Shqipëtare. Ka ambjente për konferenca. Tel: 355 (0)37473042

Grand Park Hotel Albania Ardenica

Restauranti ofron ushqime tradicionale Shqipëtare dhe është i hapur çdo ditë 08:00-23:00. Hoteli ka dhoma teke dhe dyshe, 3000 lekë, për çdo lloj dhome, mëngjesi nuk është i përfshirë. Të gjitha dhomat janë të pajisura me Televizor, Kondicioner/Ngrohje individuale dhe frigoriferë të vegjël. Ka ambjente për konferenca. Tel: +355 (0)69 3253660

Restaurant “Altini”

Restauranti është i hapur çdo ditë 08:00-23:00. Ai shërben drekë dhe darkë, dhe ushqimet e ofruara janë ushqime tradicionale Shqipëtare.

Për të shkuar në Ardenicë nga Fieri

Nga Fieri në Kolonjë

• Me Taksi: Udhëtimi do të zgjasë rreth 20 minuta dhe çmimi është 1500 lekë (shoferi do tju çojë drejt e në Manastir). • Me Furgon: udhëtimi do të zgjasë rreth 15-20 minuta dhe çmimi është 100 lekë për person (një drejtim).

Nga Kolonja në Ardenicë

• Me Taksi: Stacioni i taksive ndodhet në pjesën perëndimore të Kolonjës, pranë rrugës së vjetër kombëtare, në të njëjtin vend si dhe stacioni i furgonit. Udhëtimi do të zgjasë rreth 5 minuta dhe çmimi është 200 lekë (një drejtim). • Në Këmbë: Udhëtimi zgjat rreth 30-40 minuta dhe është malore.